సతతావిఘ్న మహాప్రసాదమునకై , శ్లాఘించెదన్ వ్యాస భా
రత సత్కావ్య విలేఖకున్ ; గజముఖున్ ; ప్రజ్ఞా యశః కారకున్ ;
తత దీవ్యద్గణ నాయకున్ ; మహిత భక్త క్లేశ విధ్వంసకున్ ;
శ్రిత సంసేవక మూషికున్ ; సుకవితా శ్రీ భావ సంధాయకున్!!!!!
వ్యాస భారత విలేఖనా భార దురంధరుడూ , గజ ముఖుడూ , వేడినంతనే అమితమైన బుద్ధి , అంతులేని కీర్తులని ప్రసాదించేవాడూ , పెక్కు గణములకు అధినాయకుడూ , భక్తుల మహా క్లేశాలను విధ్వంసం చేసే వాడూ , ఎల్లప్పుడూ తనకు ఆశ్రితుడై సేవకుడైన మూషికుని కలిగియుండేవాడూ , సత్కవిత్వ భావనలనే సంపదనొసంగగలిగే వాడూ అయిన ఆ విఘ్నేశ్వరుని ఎల్లప్పుడూ ' అవిఘ్న సిద్ధి ' అనే మహా ప్రసాదం కొరకు ప్రార్థిస్థాను !!!!
డా. విష్ణు గారూ,
రిప్లయితొలగించండిఆ విఘ్నేశ్వరుడు సదా మీకు ' అవిఘ్న సిద్ధి ' ప్రసాదించాలని ఆశిస్తూ
- బాలు మంత్రిప్రగడ
@ మంత్రిప్రగడ గారు
రిప్లయితొలగించండికృతజ్ఞతలు!!!!!
శ్రీ గణనాధం భజామ్యహం.
రిప్లయితొలగించండి