వక్రతుండంబు నిర్వక్రమై సర్వ కా
ర్యక్రమ ఫల సిద్ధి రహి నొసంగ ;
నేక దంతంబు లోకైక రక్షా కరం
బై విఘ్నతతి జీల్చి వైచి బ్రోవ ;
శూర్ప కర్ణము కరుణార్పితంబై పాప
వితతి దూరమ్ముగా విసరి వేయ ;
లంబోదరమ్ము సాలంబనమ్మై జగ
త్త్రయ పోషణ విధాన నియతి గూర్ప ;
గజముఖము భక్తతతికి దిగ్విజయమొసగ ,
మందగమనము సంతతానందమొదవ,
కదలిరావయ్య భువికి మా గణపతయ్య !
కుడుములను మెక్కి తీర్పగా నిడుములెల్ల !!!
అందరికీ వినాయక చతుర్థి శుభాకాంక్షలతో .......