పెండ్లి

అగ్ని సాక్షిగ - వేద మంత్రాన్వితముగ
మధుర మంగళ తూర్య సమాహితముగ
నంగరంగ వైభవముగా నతిశయిల్లు
పెండ్లి - బంధు మిత్రుల కనువిందు నేడు !

అనురాగమ్మనుకూల వర్తనము - గాఢాకర్షణాన్యోన్య భా
వనమే పెండిలి - నిత్య సత్యము , మహాద్వైత ప్రబోధమ్మగున్ !
తనువుల్ రెండగు నంతరాత్మ యొకటై తాదాత్మ్యమున్ జెందు నీ
ఘన వైవాహిక బంధమే మహిత యోగంబౌను ధాత్రీ స్థలిన్ !!! 

రాబోయే ఒకానొక పెండ్లికి వధూవరులకిచ్చిన ఉపదేశం లాంటి సందేశం !!!